Татарстанда 14 яшьлек кыз «Мисс Татарстан 2024» титулын яулады

«Мисс Татарстан 2024» титулын Чаллыдан 14 яшьлек Эвелина Габитова алды. 26 нчы республика матурлык бәйгесенең финалы Казанда, «Пирамида» мәдәни-күңел ачу комплексында узды, дип яза Татар-информ.

Шулай ук «Мисс Казан» билгеләнде – ул республика башкаласыннан Александра Кочергина. Татарстанның беренче һәм икенче вице-мисс гүзәлләре дә билгеләнде – титулны Казаннан ике туташ: Альберта Абдрахманова һәм София Рябцова яулады.

Исегезгә төшерәбез, узган ел оештырылган юбилей бәйгесе — 25 нче «Мисс Татарстан» конкурсында республиканың төп гүзәле таҗын Казаннан Ралина Пронина алган иде.