Фирзәр Мортазин кәҗә бәтиенә җырчы исемен кушкан
Артист хөрмәтенә кәҗәгә исем кушканнар
Танылган композитор һәм Татарстанның халык артисты Фирзәр Мортазинның хәләл җефете белән Буа районында яши. Тамашачылар аларның кәҗә асравын да белә. Алар февральдә туган кәҗә бәтиенә бер җырчының исемен биргән.
Кәҗә бәтие тотып төшкән фото һәм видеоны җырчы Зөлфирә Шәйдуллина күрсәтте. Ул инстаграмдагы сәхифәсендә виртуаль дусларыннан кәҗә бәтиенең исемен дөрес әйтүчегә бүләк тә вәгъдә итте.
«Зөлфирәкәй аның исеме. Ни өченме? Чөнки нәкъ менә 9 февраль — минем туган көнем көнне туган кыз кәҗә бәтие ул! Фирзәр абый белән Наилә апа концерттан авылга кайтуга минем хөрмәткә исем кушканнар», — дип язган җырчы.
Видеода күренгәнчә, җырчы «адашын» «үземә охшаган, җимеш», дип ярата.
«Кәҗәләнә торган Зөлфирә булгач, зөлфирәләнә торган кәҗә дә булырга тиештер», — ди видеога төшерүче ире Алмаз Мирзаянов.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев