Әгерҗе районыннан Лидия Васильева - иң яхшы тәрбияче

Казанда «Удмурт телендә белем һәм тәрбия бирүче балалар бакчасының иң яхшы тәрбиячесе» республика бәйгесенең финалы узды. 

Туган телләр һәм халыклар бердәмлеге елына багышлап уздырылган әлеге бәйгедә республиканың барлык районнарыннан тәрбиячеләр катнашкан. Безнең район данын яклаган Сарсак-Омга лицееның мәктәпкәчә белем бирү төркеме тәрбиячесе Лидия Васильева Менделеев, Кукмара һәм Балтач районнары тәрбиячеләре белән финалда белем һәм тәрбия бирү тәҗрибәсе күрсәткән.

Нәтиҗәдә, ул өченче урынга лаек булган.