2016 елда Әгерҗе районында ике гаиләдә игезәк балалар туган

2016 елда Әгерҗе районында 378 сабый дөньяга килгән. 190 гаиләдә малай, 188 гаиләдә кыз тууны бәйрәм иткәннәр.

107 гаиләдә - беренче, 154 гаиләдә - икенче, 84 гаиләдә - өченче, 33 гаиләдә дүртенче һәм күбрәк сабый дөньяга килгән. Ә Барҗы-Пельгада яшәүче Алексей-Ольга Новиковларда игезәкләр Анита һәм Матвей, Яңа Акхуҗадан Рамис-Эльмира Хаҗиевларда Илдан һәм Раян туганнар.

Иң яшь әнигә - 19, иң өлкәненә 43 яшь.

Ни кызганыч, районда үлүчеләр туучыларга караганда күбрәк. Узган ел 514 райондашыбыз якты дөнья белән хушлашкан. Бу, 2015 ел белән чагыштырганда, 32гә кимрәк.

2016 елда 117 пар гаилә корган, 110 пар аерылышкан.

Фото Интернеттан алынды.