Әгерҗенең яшь футболчылары иң яхшы уенчылар дип табылды

2021 елның 4-5 гыйнварында Ижау шәһәрендә 2009 елда туган балалар арасында мини-футбол буенча "Матур уйна" турниры булып узды.

12 команда арасыннан Әгерҗе командасы 4 урынны яулады.

Ребяков Радмир һәм капкачы Гаврилов Самат иң яхшы уенчылар дип табылды.

6-7 гыйнварда Әгерҗедә 2010 елда туган балалар арасында мини-футбол буенча "Олимп кубогы" турниры узды.

Безнең команда 3 нче урынны яулады.

Шулай ук 9 гыйнварда 2011 елда туган малайлар арасында мини-футбол буенча "Олимп кубогы"ның Яңа ел турниры булды.

Бу яшь футболчыларның беренче алтын бүләге. 

1 урын-Әгерҗе шәһәре "Олимп" командасы
2 урын-Ижау шәһәре "Лидер" командасы
3 урын-Әгерҗе шәһәре "Спутник" командасы