Министрлыкта балалар бакчаларында түләү арту сәбәпләрен аңлаттылар
Ничә сумга артачак?
2021 елның 1 гыйнварыннан Татарстанда балалар бакчаларында баланы караган һәм тәрбияләгән өчен ата-аналар түләве 4 процентка артачак. Бу хакта «Татар-информ»да узган матбугат конференциясендә мәгариф һәм фән министры Илсур Һадиуллин хәбәр итте.
«Республика балалар бакчаларында баланы караган һәм тәрбияләгән өчен ата-аналар түләве күләме 4 процентка — 114 сумнан 158 сумга кадәр артачак. Түләү уртача 125 сумга арта. Ата-аналар түләвенең артуы мәктәпкәчә белем бирү оешмасы эшчәнлеген финанс ягыннан тәэмин итүгә чыгымнарның артуы белән бәйле, шул исәптән туклануны оештыруга чыгымнарның артуы да керә», — диде ул.
Спикер түләү арту туклануны оештыруга чыгымнар артуга бәйле, дип искәртте. Ата-аналар түләве күләме төркемнең юнәлешенә, мәктәпкәчә белем бирү оешмасының эш режимына һәм төркемдә тәрбияләнүчеләрнең яшенә бәйле. Әйтик, өч яшьтән өлкәнрәкләр 10,5 сәгатьлек гомуми үсеш төркемендә булганда, ата-аналар түләве 125 сумга артачак һәм 3 252 сум тәшкил итәчәк.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев