Мәктәп укучысы миллион сум откан

Башкортстанда Аскын районыннан унберенче сыйныф укучысы Максим Р. «Зур тәнәфес» бәйгесендә миллион сум откан җиде укучының берсе булды, дип яза Кызыл таң.

Проектның ярымфиналында аның командасы «Акыллы шәһәр» проектын тәкъдим иткән, ул шәһәр ихтыяҗлары өчен альтернатив чыганаклардан энергия алуны күздә тота. Мәктәптә укучының уңышлары белән бик горурланалар.

— Максимның гранты — безнең эштә, бөтен коллективыбыз эшендә зур уңыш. Бу — мәктәп тарихында беренче очрак, — диде Башкортстан юлдаш телевидениесе журналистына үсмернең сыйныф җитәкчесе Гөлнара Хәкимова.
Өлкән сыйныф укучысы отышын мәгарифкә сарыф итәргә ниятли. Яшь миллионер юрист булырга тели.

— Соңыннан да йөрергә, дуслар белән вакыт үткәрергә була. Ә менә хәзер белем алырга кирәк, соңынан аңа вакыт булмаячак, — дип белдергән Максим.

Чыганак