Кадыбаш авыл китапханәсе - республика конкурсында җиңүче

2020 елның 17 декабрендә Республика балалар китапханәсендә, Татарстан Республикасы Мәдәният министрлыгы белән берлектә, республика һөнәри конкурслары йомгаклары буенча бүләкләү тантанасы узды.

"2020 елгы балалар китапханәсе" республика конкурсында җиңүчеләрне хөрмәтләү өчен Кадыбаш авыл китапханәсе мөдире Каюмова Фәридә Нәгыйм кызы да чакырылган иде. Ул Җиңүче Дипломы, истәлекле статуэтка һәм акчалата сертификат белән бүләкләнде.