“Созвездие–Йолдызлык-2019” фестивале старт алды

Анда балаларның вокал, хореография, сүз сәнгате буенча осталыкларын мәртәбәле жюри бәяләде. Жюри составында үзәкләштерелгән клублар системасы директоры Эльвира Нәбиева, район Мәдәният бүлеге методистлары Ләйсән Тимуршина, Оксана Михайлова, яшьләр cәясәте бүлеге начальнигы Татьяна Сергеева бар иде.

–  “Созвездие–Йолдызлык” фестивалендә катнашырга теләүче балалар елдан-ел арта. Вокал буенча катнашырга теләк белдерүче унбер баланың икешәр җырын тыңладык. Талантлылар арасыннан иң-иңнәрен сайлау җиңел булмады, – диде жюри рәисе Татьяна Сергеевна.

Муниципаль этапта җиңүчеләр 9-10 март көннәрендә Менделеев шәһәрендә узачак зона этабында катнашачак. Уңышлар сезгә, яшь талантлар!