Үлүчеләр туучыларга караганда өч тапкыр күп

Әгерҗе ЗАГС идарәсе мәгълүматларына караганда, февраль аенда районда 23 сабый туган. 14 гаиләдә малай, 9 гаиләдә кыз тууны бәйрәм иткәннәр.

53 райондашыбыз якты дөнья белән хушлашкан. Шуларның 31е - ир-ат, 22се - хатын-кыз.

Дүрт пар гаилә корган, алты пар аерылышкан.

2017 елның ике аендагы саннарга күз салсак, бу чорда 39 бала дөньяга килгән. Шуларның 14е - гаиләдә беренче, 13е - икенче, җидесе - өченче, бишесе - дүрт һәм аннан да күбрәк балалы гаиләләрдә туган.

Январь, февральдә 114 кеше - 61 ир-ат, 53 хатын-кыз вафат булган.