Казанда яшәүче ир-атны инвалид кызны көчләгән өчен хөкем итәчәкләр

Татарстан башкаласының Мәскәү районы суды Казан кешесенә карата кузгатылган эшне карарга кереште, ул инвалид кызны көчләүдә гаепләнә. Судның матбугат хезмәтендә бу мәгълүматны расладылар.

Тикшерү версиясе буенча, былтыр бу ир-ат үз машинасында берничә мәртәбә кызны коррекция мәктәбеннән алган, аны көчләгән һәм өенә илтеп куйган.

Җинаять эше берничә эпизодны үз эченә ала. Әгәр ир-атның гаебе расланса, аңа 20 елга кадәр ирегеннән мәхрүм ителү яный.

Чыганак