Хуҗабикәләргә: “Валерия“ салаты

Әлеге салатны ясау өчен 200 грамм краб таякчыклары, 200 грамм корейча кишер, 100 грамм каты сыр, 4 йомырка, 1 төш сарымсак, 20 грамм укроп, 20 грамм яшел суган, тоз, борыч, майонез кирәк.

Кишерне азрак ваклап, сырны эре угычтан уып, краб таякчыкларын шакмаклап турап, яшел тәмләткечне һәм сарымсакны изеп, йомырканы вак кына турап, тоз сибеп, борычлап савытка салабыз да, майонез белән болгатабыз.