Кабак пирогы рецепты

Аш-су остасы Рәмзия Вәлиева социаль челтәрдә кабак рецепты белән бүлешә. Бу хакта Интертат яза.

Пирогның камырына ул:

1 стакан җылы сөт, 160 г май, 2 күкәй, 2 аш кашыгы майонез, 1 чәй калагы тоз, 1 пачка чүпрә, 1,5 аш кашыгы шикәр, ярты стакан җылы су, 1 аш кашыгы исле сыек май салган.

Эчлекне туралган кабак, бүрттерелгән дөге, эрегән май салып әзерләгән.

Пирогны 180 гр кызган мичтә 40 минут пешерергә.

Фото: Рәмзия Вәлиева аккаунтыннан