Әбунәчебезгә “Татмедиа“ җәмгыяте бүләкләре тапшырылды

• Без элек-электән бик күп газета-журналлар алдырабыз. Чөнки укырга яратабыз. Укытучы буларак, аларны эшемдә дә файдаланам, – ди Гөлназ. – Быел да өебезгә “Мәгариф”, “Гаилә һәм мәктәп”, “Сөембикә”, “Ялкын”, “Салават күпере”, “Математика. Все для учителя!” журналлары, “Әгерҗе хәбәрләре”, “Яңарыш” газеталары килә.  “Ялкын” журналын махсус укучыларым өчен яздырам. Ә “Салават күпере”н кызыбыз Рәмзилә яратып укый.

“ТАТМЕДИА” җәмгыяте бәйге игълан иткәч, анда үземне сынап карарга булдым. Дүртенче тапкыр кызыксындыру бүләге алуыма сөенәм, әлбәттә. Әмма минем өчен бүләк мөһим түгел. Газета-журналларга моңа кадәр дә язылдык, киләчәктә дә язылачакбыз. Бәйге оештырылса, анда да катнашачакмын. Чөнки аның бер авырлыгы да юк бит. Квитанцияләрнең күчермәсен интернет аша юллыйм да эш бетә, – ди ул.

Ә без әбунәчебезгә алга таба да уңышлар телибез. Аның үрнәгендә башка укучыларыбызны да әлеге акциядә актив катнашырга чакырабыз.