Әгерҗе хәбәрләре
  • Рус Тат
  • Бүген – Россия почтасы көне

    1994 елдан башлап июльнең икенче якшәмбесендә почта элемтәсе хезмәткәрләре һөнәри бәйрәмнәрен – Россия почтасы көнен бәйрәм итәләр.

    • Безнең районда 23 почта элемтәсе бүлекчәсе бар. Аларның 3есе – Әгерҗедә, 20се авылларда урнашкан.
    • Әлеге системада барлыгы 91 кеше хезмәт куя. Бүлекчәләрдә 22 почта җитәкчесе, 48 хат ташучы, Әгерҗедә, Тирсәдә барлыгы 7 беренче класслы оператор эшли.
    • Почта хезмәткәрләре шәһәрдә – 19739, авылларда 16087 кешегә хезмәт күрсәтәләр.
    • Алар халыкны газета-журналларга яздыралар, пенсия, пособие, хат, посылка тараталар, торак-коммуналь хуҗалык хезмәтләре өчен түләүләр алалар, вакытлы матбугат һәм халыкка көндәлек кирәк-яраклар сату белән шөгыльләнәләр, иминятләштерү хезмәте күрсәтәләр.
    • 2019 елның икенче яртыеллыгы өчен районда вакытлы матбугат буенча гомуми тираж 7593 данә тәшкил итә. Аның 7007се – газета, 586сы – журнал.
    • Сарсак-Омга – быелның икенче яртыеллыгына халыкны иң күп газета-журналга яздырган почта элемтәсе бүлекчәсе. Әлеге бүлекчә хезмәткәрләре планны 101 процентка үтәгәннәр. Кадыбаш, Исәнбай, Кичкетаң, Көчек, Иске Эсләк, Тәбәрле, Яңавылда да газета-журналларга язылу буенча күрсәткечләр югары.

    Ххх

    Мөнирә Рахмаева җитәкчелегендәге почта элемтәсе бүлекчәләре хезмәткәрләрен һәм ветераннарын һөнәри бәйрәмнәре белән котлыйбыз. Сезгә хезмәт уңышлары, гаилә бәхете, сәламәтлек телибез. 

    Нравится
    Поделиться:
    Реклама
    Комментарии (0)
    Осталось символов: