Бүген юл хуҗалыгы хезмәткәрләре һөнәри бәйрәмнәрен билгеләп үтәләр
Хөрмәтле юл хуҗалыгы хезмәткәрләре һәм ветераннары! Сезне һөнәри бәйрәмегез белән ихластан котлыйбыз.
“Брус“ ширкәтенең районыбыздагы участогы коллективы көче белән урамнарыбызның йөзе үзгәрә, район үзәген авыллар һәм башка торак пунктлар белән тоташтыручы юллар ремонтлана. Сезнең хезмәт – һәркемнең күз алдында. Алдыгызга зур бурычлар куелган һәм аларны үтәү өчен бар көчегезне, белемегезне, тырышлыгыгызны бирәсез. Кышын-җәен, нинди генә табигать шартлары булуга карамастан, юлларның торышын кайгыртасыз. Кешеләрнең иминлеге һәм сәламәтлеге дә сезнең хезмәткә бәйле.
Районыбызның юл челтәре үсешенә керткән хезмәтегез өчен чын күңелдән рәхмәтебезне белдерәбез. Нык сәламәтлек, гаилә бәхете, эшегездә яңадан-яңа уңышлар телибез.
Район башлыгы Валерий МАКАРОВ.
Район башкарма комитеты җитәкчесе Андрей АВДЕЕВ.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев