Әгерҗе районында “Мәктәпкә җыенырга ярдәм ит” хәйрия акциясе уза

Районда “Мәктәпкә җыенырга ярдәм ит” хәйрия акциясе уза.

Акция социаль якланмаган гаиләләрдәге һәм махсус хәрби операциядә катнашучыларның балаларына ярдәм күрсәтүгә юнәлдерелгән.

Чарада районыбызның оешма-предприятие җитәкчеләре, шәхси эшмәкәрләр һәм битараф булмаган райондашларыбыз катнаша ала.

Белем көне алдыннан мәктәп кирәк-яраклары 200 укучыга тапшырылачак. Шулар арасыннан 40ы – 1 сыйныфка баручылар, 104се – махсус хәрби операциядә катнашучыларның балалары.

«Мәктәпкә җыенырга ярдәм ит» акциясе кысаларында балаларга ярдәм итәргә теләүчеләр мәгариф идарәсенә түбәндәге адрес буенча мөрәҗәгать итә алалар: Әгерҗе шәһәре, К.Маркс урамы, 7 йорт. Белешмәләр өчен телефон 2-20-82.