Әгерҗе тәрбиячеләре республика бәйгесендә уңышка иреште

Казанда «Ел укытучысы», «Ел тәрбиячесе» һөнәри осталык бәйгеләре төгәлләнде. «Туган телдә белем һәм тәрбия бирүче тәрбияче» номинациясендә 7нче балалар бакчасыннан Гөлия Камалтинова икенче урынга ия булды.

«Авыл тәрбиячесе» номинациясендә Иж-Бубый балалар бакчасыннан Наталья Хәмидуллина — җиңүче.

«Ел тәрбиячесе» зона бәйгесен Әгерҗедә югары дәрәҗәдә оештырганнары өчен район мәгариф идарәсе җитәкчесе Вәсилә Сафиуллина һәм 6нчы балалар бакчасы мөдире Лениза Батырова ТР Мәгариф һәм фән министрлыгының Рәхмәт хаты белән бүләкләнделәр.