Гыйззәтуллин Газинур информатикадан бердәм дәүләт имтиханында 100 балл җыйды

3нче мәктәпнең чыгарылыш сыйныф укучысы Газинур Гыйззәтуллин информатикадан бердәм дәүләт имтиханында 100 балл җыйды. Эшлекле сишәмбе киңәшмәсендә район башкарма комитеты җитәкчесе Ленар Нургаянов Газинурны Рәхмәт хаты, ә аны имтиханга әзерләгән педагог Светлана Журавлеваны Мактау грамотасы белән бүләкләде.

Быел төрле фәннәрдән бердәм дәүләт имтиханын районыбызда дүрт укучы 100 баллга тапшырды. Ә дәүләт имтиханнары нәтиҗәсе буенча Әгерҗе районы республикада беренче унлыкка керде.