Кадыбаш мәктәбендә Сонгы кыңгырау шалтырады

Кичә чыгарылыш сыйныф укучылары өчен Кадыбаш мәктәбендә оңгы тапкыр кыңгырау шалтырады. Бәйрәм белән 11 сыйныф укучыларын башлангыч сыйныф укучылары, әти-әниләр, район вәкилләре, авыл җирлеге, мәктәп директоры һәм яраткан укытучылары котлады.

Һәр елдагыча чараның "Йолдызлар балкышы" өлешендә фән олимпидаларында, спорт ярышларында, сәнгать конкурсларында катнашып килгән укучылар бүләкләнде.

Бәйрәмгә килгән кунакларны да күңелләре белән ерак балачак елларына алып киткән, күзләрне дымландырган бу тантанада күңелле һәм моңсу мизгелләр күп булды.

Балачак инде артта калды. Алда беренче сынаулар көтә. Кадерле чыгарылыш сыйныф укучылары!Имтиханнарны уңышлы тапшыруыгызны телибез!