Салагышта Бөтендөнья шигърият көнен үткәргәннәр

21 нче март - Бөтендөнья шигърият көне иде. Халыклар шигърият көне уңаеннан Салагыш мәктәбендә Уразай башлангыч сыйныф укучылары белән берлектә сыйныф сәгате уздырганнар.

Укучылар туган телдә Раилә Бариеваның, Асия Корбангалиеваның, Гәрәй Рәхимнең шигырьләрен укып, яттан да сөйләгәннәр.

Шулай ук укучылар өчен күргәзмә дә оештырылган. Укучыларга Салагыш авыл китапханәсеннән бик матур журналлар, китаплар тәкьдим итеп, алар бик сөенеп өйләренә укырга да алганнар. Бу хакта мәктәп коллективы хәбәр итә.