Иж-Бубый авылы тарихы музеенда ачык ишекләр көннәре үтә

2, 3, 4 январьдә Иж- Бубый авылы тарихы музеенда ачык ишекләр көннәре үтә. Музейда авылның үткәненә һәм халкына багышланган экспозицияләр тәкъдим ителгән. Аларда Иж- Бубый  мәдрәсәсе һәм аның җитәкчеләре Гобәйдулла, Мөхлисә, Габдулла Нигъмәтуллин- Буби, татар һәм мари халыкларының көнкүреше, Иж- Бубыйда сәүдәгәрлек, күренекле шәхес Мөхәммәтҗан Әхмәтҗанов, Иж- Бубыйлыларның Бөек Ватан сугышында катнашуы, районыбызның танылган рәссамнары турында һәм башка темалар яктыртылган.

Алар белән музей җитәкчесе Раиф Гәрәев таныштыра. Аның аңлаешлы, үтемле итеп сөйләве ирексездән шул чорларга алып китә.  Ачык ишек көннәре 2,3,4 январьда сәг.10 -15кә кадәр дәвам итә.