Шәһәрдә су басу нәтиҗәләрен кисәтү юнәлешендә зур эш алып барыла
Су агып чыгып китүче канаулар чистартыла, карны читкә чыгару эше башкарыла
Тотрыклы җылы һава торышы урнашу сәбәпле (синоптиклар алдагы көннәрдә 8 градуска кадәр җылыта, диләр), карның тиз эри башлавы күзәтелә.
“Әгерҗе шәһәре” муниципаль берәмлеге башкарма комитеты җитәкчесе вазифаларын башкаручы Илнар Гыйззәтуллин эшлекле киңәшмә кысаларында оешма-предприятие җитәкчеләренә, авыл җирлекләре башлыкларына шул уңайдан мөрәҗәгать итте.
– Кар тизрәк эресен һәм су басу куркынычы булмасын өчен, санитар икеайлыкның башлануын көтмичә (ул 1 апрельдән старт ала – ред.), аны көпшәкләндерү һәм тарату эшләрен башкарырга кирәк, – диде җитәкче.
Әлеге мәгълүмат шәхси эшмәкәрләргә дә кагыла. Шәхси йортларда яшәүчеләр дә су басу буенча көтелмәгән хәл килеп чыкмасын өчен бу яклап тиешле чаралар күрергә тиеш.
Тулаем алганда, торак-коммуналь хуҗалык хезмәткәрләре тарафыннан су басу нәтиҗәләрен кисәтү юнәлешендә зур эш алып барыла. Су агып чыгып китүче канаулар чистартыла, карны читкә чыгару эше башкарыла.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев