Әгерҗе хәбәрләре
  • Рус Тат
  • Ак майларда – ак вәгъдәләр

    Авыл – минем язмышым

    50 ел элек алар өйләнешкән көн дә май аеның ак чәчәкләргә күмелгән вакыты була. Шомырт, алмагачлар шау чәчәктә иде, диләр Көчек авылында яшәүче Наил–Тәнзилә ГАЛИУЛЛИНнар. Ак майларда биргән ак вәгъдәләренә гомер буе тугры калып, көмеш, энҗе, рубин туйларын уздырып, алтынына килеп җиткәннәр алар.

    ТАНЫШТЫК ТА... БЕР АЙДАН ӨЙЛӘНЕШТЕК
    Йолдыз авылы кызы Тәнзилә белән Бетсемәс егете Наилне язмыш Ижау шәһәрендә очраштыра. Тәнзиләнең “Спартак” кинотеатрына соңгы сеанска барган чагы була. Ә Наилнең дусты белән кинодан кайтышы. Уртак танышлары Әлфин шул мизгелдә  яшьләрне таныштыра да, Наилне кызны озатырга да җибәрә. 
    –    Әлфиннең “бу кыз бик әйбәткә охшаган, син аны кулыңнан ычкындырма” дигән сүзләре күңелгә үтеп кергәндер инде, Тәнзиләмне шул көннән соң күздән дә югалтмадым, – ди Наил абый.
    Тәнзилә апа да булачак җәмәгатен бер күрүдә ошата. 
    –    Куллары көчле, каты иде Наилнең. Бу эшкә нык егеттер дип уйлап куйганым – истә, – дип елмая ул.
    Нәкъ бер айдан никах укыталар, ә майда гөрләтеп туй итәләр.

    Алтын туйларына килеп җиткән бәхетле пар Тәнзилә–Наил Галиуллиннар турында Миләүшә Ягъфәрованың зур материалын тулы итеп басылып чыккан җомга санында укыгыз.

    Телефон камерасын газетадагы QR-кодка якынайтып, “Әгерҗе хәбәрләре” газетасы сайтыннан (#селомоясудьба) һәм социаль челтәрләрдән Тәнзилә–Наил Галиуллиннар турындагы видеоны да карый аласыз.   

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: