Коткаручылар иртәнге биштән бирле бер егетне агач башыннан төшәргә үгетли (ФОТО, ВИДЕО)
Агачка нәрсә менәргә мәҗбүр иткән?
Коткаручылар бүген биш сәгатьтән артык бер егетне 9 катлы йорт биеклегендәге агачтан төшәргә үгетли. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Казаның Фатих Әмирхан урамындагы бер ишегалдында якшәмбе иртәсе ашыгыч хезмәт бригадаларының килүе белән башланып киткән. Инде иртәнге биштән диярлек коткаручылар, янгын сүндерүчеләр һәм табиблар әлеге йортның ишегалдында агач башына менгән егетне җиргә төшәргә үгетли.
Аны 9 катлы йорт биеклегендәге агачка менәргә нәрсә мәҗбүр иткәнлеге билгеле түгел.
Ул агачтан үзе төшәргә теләми, ә көч куллану куркыныч. Коткаручылар егет шуның буенча җиргә төшсен дип агачка биек баскыч та куйган, аны үгетләүне дәвам итәләр.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев