Әгерҗе хәбәрләре
  • Рус Тат
  • Рамил Шәмсетдинов колониягә хөкем ителде

    Компенсация дә түләргә туры киләчәк

    Читадагы икенче көнчыгыш округ хәрби суды Рамил Шәмсетдиновны бергә хезмәт итүче солдатларны үтерүдә гаепле дип тапты. «24 ел да алты айга ирегеннән мәхрүм итәргә һәм каты режимлы колониягә озатырга», - дип игълан итте суд вәкиле хөкем карарын.

    РИА Новости агентлыгы судка сылтама белән хәбәр итүенчә, Шәмсетдиновка шулай ук зыян күрүчеләргә (дүртесенә – һәркайсына 1,5 миллион, икесенә – һәркайсына 1,3 миллион һәм берсенә 1,2 миллион сум) компенсация дә түләргә туры киләчәк.

    Шәмсетдинов хөкем карарын тыныч кына тыңлаган. Прокурорлар әлегә суд карары белән риза булмыйча шикаять бирү нияте турында белдермәде.

    Чыганак: Татар-информ-татар

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: