Янгын нәтиҗәсендә Сарсак-Омгада бер гаилә йортсыз калды

Кичә Сарсак-Омгада иртәнге сәгать 10нар тирәсендә бер хуҗалыкта янгын чыга.

Хуҗалар үзләре эштә була. Янгын сүндерүчеләр килеп җиткәндә ут телләре йортны камап алган була инде. Көчле җил дә ялкынның көчәюенә сәбәп була. Йорт тулысынча янып бетә, каралты-кураларга зыян килми.

Яшь гаилә Савельевларга ярдәм йөзеннән районда "Кайсыгызның кулы җылы" акциясе игълан ителде. Кием-салым, савыт-саба һәм башка әйберләр белән ярдәм итәргә теләүчеләр Әгерҗедәге гыйбадәтханәгә (тел. 22343) яки Сарсак-Омга авыл җирлеге Советына (34744) мөрәҗәгать итә алалар.