Янгында зыян күргән Бимада яшәүче гаиләгә ярдәм кирәк
15 февраль – җомга кичендә Бима авылында яшәүче Леонид–Алена Миляевлар хуҗалыгында коточкыч янгын була. Нәтиҗәдә, йорт хуҗалары санаулы минутлар эчендә бернәрсәсез калалар, гомер буе җыйган мал-мөлкәтләре барысы да утта янып юкка чыгалар.
Сарайдан чыккан янгын күз ачып йомганчы башка каралты-кураларга күчә. Мунча, өй, гараж кара күмергә әйләнә. Хәтта абзардагы терлекләрне дә коткарып кала алмыйлар.
Янгында зыян күрүчеләрнең туганнары олы йөрәкле, мәрхәмәтле райондашларга ярдәм сорап мөрәҗәгать итәләр.
- Бурдан кала, уттан калмый диюләре хак икән. Янгында зур зыян күргән туганнарыбызга кулдан килгәнчә булышлык күрсәтсәк иде. Без акчалата, әйберләтә ярдәм иткән һәркемгә рәхмәтле булырбыз, – диләр алар.
Миляевлар гаиләсенә ярдәм күрсәтергә теләүчеләр акчаны банк карталарына күчерә алалар:
2202 2001 9193 5343 (Сбербанк картасы)
5209 8594 3809 1313 (Ак Барс банк картасы)
Миляев Леонид Анатольевич
Зыян күрүчеләрнең кызлары Алена Красноперованың телефоны: 89600834427.
“Тамчыдан күл җыела“, диләр. Әйдәгез, Миляевларга килгән хәсрәткә битараф булмыйк, аларга кулыбыздан килгәнчә ярдәм күрсәтик.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев