Әгерҗе хәбәрләре
  • Рус Тат
  • Әгерҗедән сугыш ветераны Вадим Мельников вафат

    Аңа 95 яшь тулган булыр иде

    2021 елның 18 гыйнварында 95нче яшендә Бөек Ватан сугышы һәм прокуратура органнары ветераны Вадим Михайлович Мельников вафат булды.

    Вадим Михайлович 1926 елның 24 декабрендә Татарстан АССРның Әгерҗе шәһәрендә тимерьюлчылар гаиләсендә туа. 1942 елда 8 сыйныфны тәмамлый һәм Воткинск машина төзелеше техникумына укырга керә, тик анда озак укымый. 1944 елның апрелендә армиягә алына һәм тимер юл гаскәрләренә җибәрелә. Мәскәү астында Ховрино станциясендә запас полкта, аннан 2 нче Белоруссия фронтында хезмәт итә. Кенигсбергны (хәзер – Калининград) алуда катнаша. Башка сугышчылар белән бергә төрле тимер юл объектларын эксплуатацияләү эшләре һәм саклау белән шөгыльләнә. Берлинга кадәр 80 километр кала, Җиңү язын каршы ала.

    1945 елның апрелендә Вадим Михайлович Ленинград хәрби хәбәрләр училищесына җибәрелә. Монголиядә, Закарпатье артында күпер тимер юл батальонында хезмәт итә. 1950 елда демобилизацияләнә. 1953 елда Казан юридик мәктәбен тәмамлаганнан соң Киров өлкәсе прокуратурасына юллама алып кайта.

    Вадим Михайлович Киров өлкәсе прокуратурасы органнарында 24 елдан артык эшләгән. Аннан соң Мураша районы прокуроры һәм Киров өлкәсенең Киров-Чепецк шәһәр прокуроры вазыйфасында эшли. 1972 елда аңа «РСФСРның атказанган юристы» дигән мактаулы исем бирелә. «Кенигсбергны алган өчен», «1941-1945 еллардагы Бөек Ватан сугышында Германияне җиңгән өчен», «Японияне җиңгән өчен» медальләре, "Ватан сугышы" ордены, «Хезмәт ветераны», «Тикшерү органнары ветераны» медале, тикшерү ветераннары берлегенең Почет медале, «1941-1945 еллардагы Бөек Ватан сугышында Җиңүгә 75 ел», «Россия СК 10 ел» һәм башкалар белән бүләкләнгән.

    - Профессиональлеге, компетентлыгы һәм эшкә бирелүе аңа үзе белән эшләгән һәркемдә чын ихтирам казанды, - дип хәбәр ителә өлкә Прокуратурасы сайтында.

    Киров өлкәсе прокуратурасы хезмәткәрләре, өлкә прокуратурасының ветераннар һәм пенсионерлар советы, Тикшерү идарәсе коллективы һәм Киров өлкәсенең «Тикшерү ветераннары берлеге» әгъзалары Вадим Михайловичның туганнарының һәм якыннарының тирән кайгысын уртаклашалар.

    «Әгерҗе хәбәрләре» редакциясе дә кайгы уртаклашуга кушыла.

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: