Авылдашлары исәнбайлыларга зур бүләк ясады

Кичә Исәнбай Мәдәният йортында алма төшәр урын да юк иде. С.Өметбаев исемендәге Минзәлә Татар дәүләт драма театры артисты, җырчы Ринат Бәдретдинов һәм аның иҗатташ дуслары – театр артистлары авыл халкына бушлай концерт куйдылар. Ринат әнисенә, укытучыларына, остазларына, мәдәният хезмәткәрләренә олы рәхмәтләрен әйтте, әнисе Вәсилә ханымга чәчәкләр бүләк итте. Сәхнәдән матур җырларын яңгыратты, балачак хатирәләрен яңартты. 

Өченче ел рәттән зур бүләк ясаган талантлы авылдашларына исәнбайлылар һәм якын-тирә авыллардан килгән тамашачылар да зур рәхмәтләрен белдерделәр.