Әгерҗе районы мәктәпләре Казанда ярминкәдә катнаша

Иртәгә, 26 сентябрьдә, Казанның Агросәнәгать паркы базасында республика мәгариф оешмаларының традицион көзге ярминкәсе үтә. Безнең районнан ярминкәдә Красный бор һәм Кичкетаң мәктәпләре коллективлары катнаша. Алар бүген иртән иртүк мәгариф идарәсе җитәкчесе Вәсилә Сафиуллина җитәкчелегендә Казанга юл алдылар.

Башка район мәгариф оешмалары кебек үк, әлеге коллективлар да яшелчә, җиләк-җимеш белән бергә консервланган азык-төлекнең дә бай ассортиментын тәкъдим итәчәкләр.