Әгерҗе хәбәрләре
  • Рус Тат
  • Әгерҗе районы юл буйларында ял итү урыннары арта

    Әгерҗе районы буйлап машинада барганда юл читендә урын алган җыйнак һәм матур беседкаларга игътибар иткәнегез бардыр. Төрле юнәлештәге юллар буенда 18 беседка урнаштырылган бүген.

    • Беседкаларның сигезе районыбыздагы урман участоклары арендаторларының берсе – “Хазар” ширкәте, алтысы – шундый ук арендатор – “ЛПК”Ак Барс” ширкәте, калганнары  безнең Әгерҗе урманчылыгы хезмәткәрләре тырышлыгы белән төзелде, – ди Әгерҗе урманчылыгы җитәкчесе-урманчысы Владимир Ишмуратов. 

    Әлеге беседкалар – ял урыны гына түгел, үзенчәлекле тәрбия мәйданчыгы да.

    • Һәр беседка янына урманнарда янгын куркынычсызлыгын һәм санитар кагыйдәләрне үтәү мөһимлеген кисәтүче аншлаглар урнаштырылган. Һәр аншлагта урманда, аланда үзеңне тоту кагыйдәләре, аларны үтәмәгән өчен җаваплылык чаралары бәян ителгән, – ди Владимир Леонидович.

    Беседкалар төзү эше алга таба да дәвам итәчәк. Әйтик, быел  “ЛПК “Ак Барс” ширкәте тагын өчне төзергә планлаштыра. Ә искерә төшкәннәре яңартылачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: