Әгерҗе районында барлык участоклар вакытында ачылды

• Районда 18 мең 653 кеше, ягъни исемлектәгеләрнең 75  проценттан артыгы алдан тавыш бирде, – ди район территориаль сайлау комиссиясе сәркатибе Лилия Шәрипова. – Тавыш бирү белән бәйле закон бозулар хакында шикаятьләр юк. Бүген участокларда күзәтүчеләр дә эшли.

Исегезгә төшерәбез: бүген Россия Конституциясенә үзгәрешләр кертү буенча тавыш бирү иртәнге сәгать 8дән кичке 20 сәгатькә кадәр уза. Сайлау участогына үзегез белән паспорт алып килергә онытмагыз.