Бүген Әгерҗедә кар явып сөендерде бит әле. Газета укучыларыбыз иртүк беренче кар турында шигырьләрен редакциягә дә юлладылар.
Җәйләре чын җәй булмады,
Менә көз ошый кышка.
Урамда кар ява бүген,
Чыгасы килми тышка.
Бар табигать аптырашта,
Октябрьдә бураннар.
Кар астындагы чәчәкләр
Моңаеп утыралар.
Әллә инде Кыш бабабыз
Килергә ашыгамы?
Юктыр, булмас, шаяртадыр,
Сынып карыйдыр бары.
Мөнирә Зель,
Уразай авылы.
Нет комментариев