Ел ахырында россиялеләргә унөченче пенсия түләнергә мөмкин

Дәүләт Думасында декабрьдә картлык буенча иминият пенсиясе алучы барлык өлкән яшьтәге кешеләргә 13 нче пенсия түләргә тәкъдим иттеләр. Бу хакта «Известия» «Гадел Россия — дөреслек өчен» фракциясе башлыгы Сергей Мироновның премьер-министр Михаил Мишустинга юллаган хатына сылтама белән яза.

«13 нче пенсияне түләү гомере буе илебез үсеше мәнфәгатьләрендә эшләгән затларга карата социаль гаделлекне торгызуга ярдәм итәчәк», - дип әйткән депутат.

Кичә Финанс министрлыгы башлыгы Антон Силуанов Федерация Советындагы чыгышы вакытында Россия пенсионерларына 2025 елда инфляция дәрәҗәсенә түләүләрне индексацияләячәкләр, дип белдерде.

Чыганак