Әгерҗедә бүген язылышкан парларны Кыш бабай белән Кар кызы котлады
Айрат Мортазин һәм Динара Шәйхетдинованы котларга әти-әниләре, якыннары, дуслары белән бергә котларга Кыш бабай белән Кар кызы да килде.
ЗАГС бүлеге белгече – язылышу тантаналарын алып баручы Лилия Госманова яшьләргә гаилә документын тапшырды. Яшьләр балдаклар алышканнан соң Мортазиннарны тәбрикләргә Кыш бабай белән Кар кызы да килде.
- Киләчәктә балаларыгызны да бәйрәм белән котларга язсын, – дип Кыш бабай яшьләргә изге теләкләрен җиткерде.
Тантаналы чарага килгән, бәйрәм шатлыгын уртаклашкан якыннары, туганнары, дуслары яңа гаилә төзегән Мортазиннарны котлап, чын йөрәктән матур теләкләрен җиткерделәр. Тантаналы чара Эдуард Мираев башкаруында җырга кушылып вальс әйләнү белән тәмамланды.
Бүген Әгерҗе ЗАГС бүлегендә өч пар никахын рәсмиләштерде. 30 декабрьдә ике яшь пар язылышачак.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев