Махсус комиссия, хуҗалыкларда булып, ремонт эшенең барышына бәя бирде
Аграрийлар алдына язгы кыр эшләрендә катнашачак техниканы 1 апрельгә ремонтлап бетерү бурычы куелган иде.
Казаннан килгән вәкил – «Татарстан агрохимия үзәге» оешмасы җитәкчесе Әнәс Локманов җитәкчелегендәге район авыл хуҗалыгы, дәүләт техник күзәтчелеге идарәләре белгечләреннән торган махсус комиссия Биектаудан Ринас Сәлимуллин, Пеләмәштән М.Ибраева, Салагыштан Илнур Сәхипов крестьян-фермерлык, “Сарсак-Омга”, “Наҗар”, “Нәүрүз” хуҗалыкларында булдылар. Алардан Ринас Сәлимуллин, М.Ибраева һәм “Наҗар” хуҗалыкларының әзерлеге югары бәяләнде.
Язгы кыр эшләренә 156 трактор, 71 чәчкеч, 8 чәчү комплексы, 1500 тырма, 93 туфрак эшкәртү агрегаты ремонтланырга тиеш. Район буенча әзерлек – 91 процент.
Районыбызга кагылышлы яңалыклар белән безнең Telegram-каналдан танышыгыз
Нет комментариев