Әгерҗе ветеринарлары хуҗалыкларда кан пробалары ала

Әгерҗе ветеринария берләшмәсе хуҗалыкларда мөгезле эре терлекләрнең кан пробаларын сайлап алу эшен алып бара. 

Россия Федерациясендә соңгы елларда лейкоз һәм бруцеллёз кебек авырулар буенча тотрыклы булмаган эпизоотик хәл күзәтелә. Бу хакта Әгерҗе ветеринария берләшмәсе хәбәр итә.

Ветеринария табиблары күрсәтелгән авыруларны район территориясендә булдырмау һәм таралмавы өчен даими контроль чаралары уздыра.

Барлык хуҗалыкларда да мөгезле эре терлекләрнең кан пробаларын мәҗбүри сайлап алу һәм аларның лаборатория тикшеренүләрен уздыру каралган.