Әгерҗе комбайнчылары 100әр мең сумлык премия алуга дәгъва кыла

21 августка кадәр республикада “Комбайн“ профилактик операциясе бара. Аның төп максаты – урып-җыю чорында комбайннарның имин эшләвен тәэмин итү, янгын, техника куркынычсызлыгын, җәрәхәт алу очракларын кисәтү. 

–    Операция барышында төп игътибарны комбайннарның дәүләт номеры билгесе, дәүләт теркәве, техник карау узуга, тракторист-машинистларның таныклыклары булуга бирәбез. Әгәр хокук бозулар ачыкланса, транспорт чаралары белән идарә итү өчен җаваплы вазифаи затлар административ җәзага тартыла, – ди район буенча баш дәүләт инженер-инспекторы Камил Гыймазов. 

Ххх
Быел, узган еллардагы кебек үк, “Татарстан Республикасы Президенты” грантына комбайнчыларның республика конкурсы уза. Иң күп бөртеклеләр суктырган 200 комбайнчы 100әр мең сумлык премия алачак.

Фотода: Илнар Гыйззәтуллин һәм Анатолий Трефилов – арыш басуында