Пай җиренә ашлык кайчан бирелер

“Без авылда яшибез. Пай җирләребез “Нәүрүз“ ширкәтендә арендада. Басулардан бөртеклеләр җыеп алынганга шактый вакыт узды. Ни өчендер ширкәт әле дә исәп-хисап ясамый. Башка хуҗалыклар, фермерлар күптән ашлык өләштеләр бит инде“.
Рәсимә Ш.

Газета укучыбызның соравын “Нәүрүз“ ширкәте директоры Игорь ВАСИЛЬЕВка юлладык. 

–    Хәзерге вакытта пайчыларның исемлеген тәртипкә китерү бара. Без аларны тикшерү өчен авыл җирлекләре Советларына юлладык. Алардан җавап алгач пайчылар белән исәп-хисап ясый башлыйбыз. Бу эш озакка сузылмас дип уйлыйм. 

Быел ашлык мулдан булды. Димәк, аны бирү буенча проблема тумаячак, – дип җавап бирде җитәкче.  

Районыбызга кагылышлы яңалыклар белән безнең  Telegram-каналдан танышыгыз