Йөрәк кушуы буенча
Барҗы-Умгадан 84 яшьлек Гайникамал әби ХУҖИНА махсус хәрби операциядә катнашучы якташларга ярдәм итү йөзеннән һәр көнне авыл клубына йөреп маскировка сеткалары үрүдә катнаша.
– Сугыш чоры баласы буларак, бик күп авырлыклар күреп үстем. Әти фронт кырларында ил азатлыгы өчен көрәште. Без – алты бала әни җилкәсендә булдык. Шуңа күрә уфалла арбасын сабый чактан тартырга туры килде, – ди Гайникамал апа уфтанып.
Украинада махсус хәрби операция башлангач та, ул илебез иминлеге өчен көрәшүче егетләргә ярдәм итү теләге белән яна башлый.
– Үзебезнең дә бер туганыбыз хәзерге вакытта контракт нигезендә махсус хәрби операциядә катнаша. Кул-аякларым йөргәндә башкалар белән беррәттән аның кебек кыю егетләребезгә ярдәм күрсәтергә телим. Аларның туган якларыбызга исән-сау кайтуларын, ил-көннәребезгә тынычлык теләп дога кылам, – ди Барҗы-Умганың иң өлкән яшьтәге Ак әбисе Гайникамал әби Хуҗина.
84 яшьлек Гайникамал Хуҗина (алгы планда) һәм 74 яшьлек Суфия Тимергазина игелекле эштән читтә калмыйлар. / М.Ягъфәрова фотосы
Районыбызга кагылышлы яңалыклар белән безнең Telegram-каналдан танышыгыз
Нет комментариев