Алдынгы комбайнчыларны хөрмәтләделәр

Урып-җыю эшләрендә көнне төнгә ялгап эшләүче алдынгы комбайнчыларны хөрмәтләү дәвам итә.
Узып баручы атнаның алдынгы игенчеләрен дә басуга барып котладылар. Менә алар, бу атнаның кыр батырлары: “Нәүрүз” ширкәтеннән Адил Мәрданов (622 тонна), Никита Красильников (596 тонна), Марс Миннәхмәтов (568 тонна), Илнизар Исмәгыйлев (451 тонна), “Сарсак-Омга” ширкәтеннән Владимир Байков (260 тонна), Вячеслав Васильев (240 тонна), “Наҗар” хуҗалыгыннан Эльвир Гыймазов (239 тонна), Рөстәм Гыймазов (210 тонна), Айрат Кәримов (198 тонна). Алдынгы механизаторларны район башлыгы урынбасары Илфат Ямалиев һәм район авыл хуҗалыгы идарәсе консультанты Айдар Зарипов котлап, тырыш хезмәтләре өчен олы рәхмәт сүзләре җиткерделәр һәм алга таба да уңышлар теләделәр.