Әгерҗе - җир җәннәте

Түбән Кама шәһәреннән Уразайга күченеп кайткан Фаяз-Альмира ГАНИЕВлар Әгерҗе районын “җир җәннәте” дип атый.

Альмира – Алабуга кызы, Фаяз – Актаныш якларыннан. Гомер буе Түбән Камадагы химкомбинатта эшләгәннәр. Лаеклы ялга чыгу вакыты якынлаша башлагач, берәр авылга кайтып яшәү турында киңәшләшеп, уртак фикергә килгәннәр. Моннан дүрт ел элек Уразай авылыннан йорт сатып алганнар.

Инкубаторда кошлар чыгаралар. Алар янына бройлерлар, кәҗә белән бәрәне, тәкә һәм сарыклар да өстәлгән.

-Шәһәрдәге кебек кибеткә барасы түгел, өстәлләребездә төрледән-төрле ризык. Шундый муллык, бетмәс шатлык! – ди тырыш авыл уңганнары.