Исәнбай Сабан туенда Газизовлар гаиләсен хөрмәтләделәр

Исәнбай авылында Сабан Туй Гаилә елы кысаларында Газизовлар гаиләсен хөрмәтләүдән башланды.

Гаилә башлыгы Илфат күп еллар авылда механизатор булып эшли. Быел да "Бадерин" хуҗалыгында җир эшкәртүдә эшләгән. Иң тәҗрибәле механизатор ул. Илфатның җәмәгате Гүзәл мәктәптә эшли. Тату, бердәм гаиләдә өч бала үсә. Рифат белән Адилә - студентлар. Нурислам – мәктәп укучысы. Газизовлар төп нигездә гомер кичерәләр. Яңа йорт төзеп чыктылар. 

Исәнбай авыл җирлеге башлыгы Фәнил Сираев Газизовлар гаиләсенә бүләк тапшырды һәм әлеге гаиләгә бәйрәм әләмен күтәрү хокукы бирелде.