Исәнбайда узган җыен бүләкләүләргә бай булды

Исәнбайда узган халык җыенында елның-елында хезмәттә уңышларга ирешүче, озак еллар эшләп лаеклы ялга чыгучыларны хөрмәтлиләр. 

Район башлыгы урынбасары Илфат Ямалиев сәламәтлек саклау өлкәсендә күпьеллык намуслы һәм нәтиҗәле хезмәте өчен даруханә мөдире Фәнирә Мухъяновага ТР Сәламәтлек саклау министрлыгының Мактау грамотасын тапшырды.

Авыл хуҗалыгы тармагында нәтиҗәле хезмәте өчен “Бадерин О.Л.“ крестьян-фермерлык хуҗалыгы механизаторы Илшат Мухъянов, авыл тормышнда актив катнашканы, һәрвакыт ярдәм кулы сузганы өчен Раил Сизов, күп еллар балаларга белем һәм тәрбия бирүче мөгаллимә Алсу Латыйпова район башлыгының Рәхмәт хаты белән бүләкләнделәр. 

Исәнбай балалар бакчасы мөдире булып эшләгән Әлфия Сабитова, халыкка социаль ярдәм күрсәтү өлкәсендә хезмәт куйган Сәрия Тютиева авыл җирлеге башлыгы Фәнил Сираев кулыннан Рәхмәт хатлары алдылар. Яшь буынга патриотик тәрбия бирүдә нәтиҗәле эшләгәннәре өчен  Илфат Муллануров җитәкчелегендәге мәктәп коллективына районың баш хәрби комиссары Рәхмәт хаты тапшырылды.