Исәнбайдан Газизовлар гаиләсеннән дүрт кеше тавыш бирде

Бүген Татарстан Республикасы Дәүләт Советы депутатларын сайлауларда Исәнбайда яшәүче Газизовлар гаиләсеннән дүрт кеше тавыш бирде. 

Гаилә башлыгы Илфат күп еллар механизатор булып эшли. Авылның алдынгы, тәҗрибәле җир улы ул. Җәмәгате Гүзәл мәктәптә хезмәт куя. Тырышлыгы, осталыгы, җитезлеге белән үрнәк. Газизовлар – күпбалалы гаилә. Илфат белән Гүзәл өч балага гомер бүләк иткәннәр. Рифат, янгын сүндерүче-коткаручы һөнәренә укып, эшкә урнашкан. Адилә – студент. Ул тәрбияче булырга әзерләнә. Төпчекләре Нурислам – мәктәп укучысы.

Газизовлар төп нигездә гомер кичерәләр. Яңа йорт төзеп чыкканнар. 

–    Гаилә елында мөһим сәяси вакыйгада гаиләбез белән катнашабыз. Балаларыбызның якты, матур киләчәге, тормышыбызның муллыгы, тыныч һәм имин көннәр өчен тавыш бирәбез, – диделәр Илфат белән Гүзәл.

Газизовлар, 8 сентябрьдә #ВсейСемьейНаВыборы #ТатарстанАлга республика фотоконкурсында катнашып, үз бәхетләрен дә сынап карарга уйлаганнар.