Кадыбашның авыл хуҗалыгы ветераны хөрмәтләнде

Кадыбашта узган халык җыенында гомерен авыл хуҗалыгы тармагына багышлаган хөрмәтле ветеран Мәхтүр Нуреевка “ТР агросәнәгать комплексының Мактаулы ветераны” билгесе тапшырылды.
 

Ветеран бүләкне ТР Дәүләт Советының мәгариф, мәдәният, фән һәм милли мәсьәләләр буенча комитеты рәисе Айрат Зарипов һәм район башлыгы урынбасары Илфат Ямалиев кулыннан кабул итеп алды. 

Җыенда махсус хәрби операция кысаларында илебез тынычлыгын сакларга якыннарын озаткан гаиләләр дә хөрмәтләнде. Радик-Гөлнара Гафаровлар, Наталья Рузебаева, Илһам-Зәмфирә Әхмәтҗановларга район җитәкчелеге һәм авыл җирлеге исеменнән күчтәнәчләр тапшырылды.