Күләгәшкә яңа инвестор килә 

Күләгәш авыл җирлегендә яңа инвестор: Хәлим Ганиев халык белән очрашты.  

Ул биредә бер мең гектар мәйданда бөртекле культуралар чәчеп, ферма биналарына маллар алып кайтачак. Кимендә утызлап кешене эшле итү планлаштырыла.

Район башлыгы Азат Вәлиев яңа инвесторга зур өметләр баглауларын әйтте. Район авыл хуҗалыгы идарәсе башлыгы Дилүс Гатауллин да "Агрофирма-Әгерҗе" ширкәте киткәннән соң, халыкның эшсез калуы иң зур проблема булуын ассызыклады.

Хәлим Наимович җыенга килгән халыкны табынга да дәште. Ул аларны пылау, хуш исле чәй белән сыйлады.