Пай җирләре өчен ашлык кайчан бирелүе билгеле булды

“Башка елларны шушы вакытларда пай җирләре өчен ашлык бирәләр иде. Быел әле бу турыда бернинди сүз дә ишетелгәне юк. Шул турыда аңлатып язсагыз иде“.
Н.САБИРҖАНОВА.

Әлеге сорау белән район авыл хуҗалыгы идарәсе җитәкчесе Дилүс ГАТАУЛЛИНга мөрәҗәгать иттек. 
–    Соңгы көннәрдә бу мәсьәләдә безгә дә шалтыратулар ешайды. Кемнәрнең пай җирләре “Агрофирма–Әгерҗе“ ширкәтенә арендага бирелгән, алар шушы көннәрдә, ягъни октябрьдә ашлык алачаклар. Хәзерге вакытта авыл җирлекләре Советларында исемлекләрне барлау эшләре алып барыла.  
Фермерларга килгәндә, аларның күбесе пай җирләре өчен тулысынча исәп-хисап ясадылар. 
“Тугызбуй“ ширкәтендә дә бу атнада халыкка аренда өчен ашлык бирү оештырылды.