Салагышның данлыклы ветеринария табибы 80 яшендә дә эштән туктамый

Салагышта узган гражданнар җыенында авылның бер төркем активистларына бүләкләр тапшырылды.

Авыл хуҗалыгы үсешенә зур өлеш керткән, әле һаман да сафта булган Татарстанның атказанган ветеринария табибы Миндар Габдрахмановка, педагогика ветераны Лидия Мәҗитовага “ТАССР төзелүгә 100 ел” истәлек билгеләре, урам өчен җаваплы вәкилләр Лениза Шәрипова, Әлфия Мөхәммәдиевага район башлыгының Рәхмәт хатлары тапшырылды.

Район башлыгының Рәхмәт хатына җирлек эшендә актив катнашучы фермер Илнур Сәхипов, Яңа ел уңаеннан Әгерҗедә боз шәһәрчеген төзүдә ярдәм күрсәткән Илсур Сәмигуллин да лаек булдылар.

Салагыш мәктәбенең инглиз теле укытучысы Татьяна Савина 65 яшьлек юбилее уңаеннан район башлыгының Мактау грамотасы белән бүләкләнде.
Бүләкләрне Әгерҗе районы башлыгы Азат Вәлиев, Салагыш авыл җирлеге башлыгы Мансур Мөхәммәдиев тапшырдылар.